يا هلا والله ويا مرحبا بكل فيس مر على منتدانا عزيزي / ـة أذا أعجبكـ المنتدى سجل/ـي يا بعدي ...



 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 المباني لحامد

اذهب الى الأسفل 
كاتب الموضوعرسالة
همسة غلا
مبتدئ
مبتدئ


عدد المساهمات : 31
التقييم : 1

تاريخ التسجيل : 27/05/2010

مُساهمةموضوع: المباني لحامد   الخميس يونيو 03, 2010 12:51 pm

صباااااحكم / مسائكم فل ورد


هذا كمان من قصايد حامد

جابك الله من غياب ٍ ضيّق صدور المباني
قبل لا الوحشه تزعزع بيتك الصلب وتبيده

بيتك اللي من رحلت وكل جدرانه تعاني
ماتحمل ينتظر شهرين وعيونك بعيده

الله العالم لو إنك جيت متأخر ثواني
ماتشوف إلا بقايا من حصاه ومن حديده

من عرفتك وأنت تايه من مواني لي مواني
وتارك ٍ قلبي مولّع من وقيده في وقيده

ضاعت سنيني أحد بهاليالي وتحداني
وأنت ماتشبع غياب ولاتخاف من النقيده

ودي أتحمد لك الله بالسلامه , مامداني
كل ماتوصل برحله ترجع برحله جديده

دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده

كان فيني عيب قلي:فيني العيب الفلاني
كان هرجي مزعلك في شي قلي:لاتعيده

عيب تصغر في عيوني وأنت برقاب الغوالي
كيف تستسهل طعوني وأنت خابرني وليده ؟

لعن بوك أن مت بيدك من يفكك من أخواني ؟
لحزنوا ربعي على فرقاي شاللي تستفيده ؟

أنت منت اللي عشقته أنت أكيد انسان ثاني
ليه صرت بهالبرود وبهالاحاسيس البليده ؟

وين حبك للزعل .وين العناد الأولاني ؟
وين حنّية زمان وفرحةالعمر الرغيده ؟

وين ذاك اللي اليا أقبل مايبات إلا بمأني ؟
وين راح اللي اليا أقفى مايروح ألا فقيده ؟

واحد ٍمن جابه الله بس يامر ويعصاني
الوحيد اللي أخافه غصب وأمشي معه سيده

(مابغيت أطيح بيده) لين ماربي بلاني
ولا أنا لو هي بكيفي (مابغيت أطيح بيده)

ذاك بس اللي يامن جيته يلخبط كياني
اللي بنظره ينشف دم قلبي في وريده

قبل أشوفه أجمع اله أحلى القصايد والمعاني
وأن لقيته ماعرفت أقول لي جمله مفيده

الف مره قبله أعد القصيده من لساني
ولعن ابوه أن جيت عنده قمت أخربط بالقصيده

أمدحه وأنا أدري أنه لو تباطاني نساني
أنطحه وانا أعرفه مجنون وأفكاره عنيده

من يسوي بي سواتك يالرهيف الاسمراني ؟
من هو من الناس غيرك غلطته ترفع رصيده ؟

من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟

ان تبعتك .أتبعك من طيبي وواسع بطاني
ولا أنا لاجيت أكيد انسان تعرف كيف اكيده

أقدرأنزع لك ثيابي وألبس ثياب الأناني
وأقدر أطلع من عذابي والعب بدورك وأجيده

ومستعدأكسب رهاني لو بغيت أكسب رهاني
وأخدعك بحساس كاذب وأتحدى من يصيده

أبك أنا لي شفت خلّي حط غيري في مكاني
والله إني لتركه وأن صدلعشق سيد سيده

جيت مابيك تحقرني جيت أبيك تعز شاني
جيت أبي فزعة ظلوعك من مشاعرك البليده

خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده

أنت شلني من (برودك) لو تولّع بالمحاني
عطني أحساس (بوجودك) وأخذكل اللي تريده

تكفىواليا قلت :تكفى بيع خلق الله عشاني
لاتضيّع من يديني فرصةالعمر الوحيده

يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده

شف غيابك وش يسوي بالصدور وبالمباني
وأنت تدري كيف كانت صدمت غيابك شديده
الرجوع الى أعلى الصفحة اذهب الى الأسفل
سكون الليل
نشيط
نشيط
avatar

عدد المساهمات : 59
التقييم : 5

تاريخ التسجيل : 28/05/2010
الموقع :

مُساهمةموضوع: رد: المباني لحامد   الخميس يونيو 03, 2010 10:06 pm

يسلمو يالغلا

مره روعه ....

الله يعطيكـ العافية
الرجوع الى أعلى الصفحة اذهب الى الأسفل
NAD
Admin
Admin


عدد المساهمات : 54
التقييم : 0

تاريخ التسجيل : 24/05/2010

مُساهمةموضوع: رد: المباني لحامد   السبت يونيو 05, 2010 5:10 am

متذوقه رااائعه للشعر
هذي القصيده على كثر ما اسمعها مامليت منها
يسلموووو



ثــــــــــااانكس هموووسه

________ ~التوقيع~ _________
الرجوع الى أعلى الصفحة اذهب الى الأسفل
http://nnn3s.yoo7.com
 
المباني لحامد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامه :: :ღ:عُذوبة القوآفي ونبض الحروف:ღ:-
انتقل الى: